Kaliforniya Universitetinin alimləri istifadəçinin komandası üzrə təsvirin miqyasını böyüdə bilən kontakt linzalar hazırlayıblar.

belta.by saytının məlumatına əsasən, kontakt linza gözlərin hərəkəti ilə idarə olunur. İnsan öz istəyi ilə görünən təsvirin miqyasını böyüdə bilər. Bunun üçün iki dəfə göz qırpmaq kifayətdir. Yumşaq biometrik qurğu göz qapaqlarının hərəkəti zamanı yaranan elektrik siqnallarını oxuyur. 

Linzalar siqnalları beş elektroddan qəbul edir. Görmə qabiliyyətində pozulma müşahidə olunan insanlar da bu qurğudan istifadə edə bilmək imkanına malikdirlər. Qurğu impulsları qəbul edəcək.

Alimlərin sözlərinə görə, bu yalnız prototipdir və kütləvi istehsal barədə danışmaq hələ tezdir. Tədqiqatçılar layihə üzərində işləməyə davam edirlər.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.