AMEA İnformasiya Texnologiyaları İnstitutunun texnologiyalar üzrə direktor müavini, texnika üzrə fəlsəfə doktoru, dosent Rəşid Ələkbərov və sektor müdiri Oqtay Ələkbərovun həmmüəllifi olduğu “Mobile clouds computing: current state, architecture and problems” (Mobil hesablama buludları: mövcud vəziyyəti, arxitekturası və problemləri) adlı məqalə 22-24 fevral 2017-ci il tarixdə Hindistanda keçirilən IEEE-nin Elektrik, Kompüter və Kommunikasiya Texnologiyaları üzrə II beynəlxalq konfransında (2nd IEEE International Conference on Electrical, Computer and Communication Technologies – İCECCT) çap olunub.

Məqalədə mobil hesablama buludları texnologiyalarının arxitekturası və tətbiq sahələri araşdırılmış və analiz edilmişdir. Bu texnologiyanın üstünlükləri və istifadəsi zamanı meydana çıxan problemlər təhlil edilmişdir. Eyni zamanda, bu texnologiyadan istifadə etməklə mobil avadanlıqların hesablama və yaddaş resurslarına olan tələbatının təmin edilməsi məsələləri tədqiq edilmişdir.

DOI: 10.1109/ICECCT.2017.8117874

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.