Amerikanın “The Walt Disney” şirkətinin mütəxəssisləri tamaşaçıların üz ifadəsinin tanınması texnologiyasını sınaqdan keçiriblər.

360tv.ru saytının məlumatına görə, “FVAEs” (Factorized variational autoencoders) adlı yeni sistem gülməyə, nəfəs almağa və hətta kədərli üz ifadəsinə reaksiya verir. Texnologiya sensorlarla təchiz edilmiş 4 xüsusi kameranın köməyilə tamaşaçıların emosiyalarını tanıyır.

Sistem tamaşaçıların filmin süjetinə uyğun hisslər keçirib-keçirmədiklərini müəyyənləşdirməyə imkan verir. Layihə artıq 150 kinozalda “The Walt Disney”in 9 filminin nümayişi zamanı sınaqdan keçirilib. Kameralar 16 milyondan çox emosiyanı qeydə alıb.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.