AMEA İnformasiya Texnologiyaları İnstitutunun direktor müavini, texnika üzrə fəlsəfə doktoru, dosent Rəşid Ələkbərov və institutun sektor müdiri Oqtay Ələkbərovun “Mobil hesablama buludlarında cloudletlər-in optimal yerləşdirilməsi modeli” (Optimal deployment model of cloudlets in mobile Cloud Computing) adlı məqaləsi IEEE nəşriyyatının Çində “Cloud Computing and Big Data Analysis” (ICCCBDA – 2017) mövzusunda keçirilən beynəlxalq konfransına daxil olub.

Məqalədə mobil bulud texnologiyaların inkişaf dinamikası araşdırılmış, bu texnologiyanın üstünlükləri və istifadəsi zamanı meydana çıxan problemlər təhlil olunmuşdur. Bu texnologiyadan istifadə etməklə mobil avadanlıqların hesablama və yaddaş resurslarına olan təlabatın təmin edilməsi məsələləri tədqiq edilmişdir.

Məqalədə, həmçinin mobil hesablama buludlarında cloudlet-lərin yaradılmasını zəruri edən amillər araşdırılmış və onların hansı baza stansiyalarının yaxınlığında yerləşdirilmə vaxtının proqnozlaşdırılması məsələsi həll edilmişdir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.