Rəngli elektron mikroskopiya texnologiyasının hazırlanmasına 15 ildən çox vaxt sərf edilmiş və yalnız bu yaxınlarda elektron mikroskopun köməyilə ilk rəngli təsvirlər əldə edilmişdir.

Məlumdur ki, elektron mikroskoplar mikroskopik dünyanın hətta ən xırda detallarını belə görməyə imkan verən alətlərdir. Əvvəllər bu mikroskopun çatışmazlığı ondan ibarət idi ki, qurğu yalnız ağ-qara təsvirləri müəyyənləşdirə bilirdi.

dailytechinfo.org saytının məlumatına görə, San-Dieqoda yerləşən Kaliforniya Universitetinin tədqiqatçılar qrupu elektron mikroskopiya texnologiyasının hazırlanması işində mühüm nailiyyətlər əldə ediblər. Hazırda onların müəllifi olduğu elektron mikroskop yaşıl, qırmızı və sarı olmaqla üç rəngdə şəkillər çəkə bilir.  Texniki olaraq, bu mikroskopla təbii rəngli şəkillər əldə edilmir, lakin alınan təsviri mikroskopik obyektlərin əsas xüsusiyyətlərinin psevdo-rəngli vizuallaşdırılması adlandırmaq olar. Mütəxəssislər bildiriblər ki, əldə edilmiş şəkillər ağ-qara təsvirlərin süni şəkildə rəngləməsini çox xatırladır. 

Rəngli təsviri almaq üçün tədqiqatçılar adi elektron mikroskopa yeni xüsusi tənzimləyici quraşdırıblar ki, onun köməyilə dələnin canlı hüceyrə strukturunun təsvirləri əldə edilib. Qeyd olunur ki, rəngli şəkillərin alınması metodu bioloq-alimlərə dələlər və digər canlı toxumaların komponentləri, o cümlədən hüceyrələrin bölünməsi prosesi barədə daha faydalı məlumatları əldə etməyə imkan verəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.