“Microsoft HoloLens” eynəyinin istehsalçılarının San-Fransiskoda keçirdiyi forum çərçivəsində iştirakçılardan biri əlavə reallıq rejimində “ağıllı” ev elementlərinin idarə edilməsi üsulunu yaratmaq təşəbbüsü ilə çıxış edib.

4pda.ru saytının məlumatına görə, “IoT x MR” eksperimental proqramı istifadəçilərə baxış və sadə jestlər vasitəsilə istənilən “ağıllı” qurğunu idarə etməyə imkan verir.

Proqramın yaradıcısı İen Sterlinq layihənin perspektivlərini əks etdirən video çarxı nümayiş etdirib. Bildirib ki, eksperimental proqram “ağıllı” ev elementlərinin idarə edilməsindən başqa, məkanı sakitləşdirici melodiyalarla dolduran “virtual dzen” rejimini işə salır.