“Əməkdaşların elmi əsərlərinin xülasəsi” adlı ekspres-informasiyanın tərtibatçıları AMEA İnformasiya Texnologiyaları İnstitutunun şöbə müdiri, elmi katib Mədinə Səidova, sektor müdiri, texnika üzrə fəlsəfə doktoru Nigar İsmayılova, institutun əməkdaşları Nərmin Adıgözəlova və Sevinc Mərdanovadır.

Yeni nəşrdə AMEA İnformasiya Texnologiyaları İnstitutunun əməkdaşları tərəfindən 2014-cü ildə çap olunmuş kitab və icmalların, elmi məqalələrin, dissertasiyaların, tezis və məruzələrin azərbaycan, rus və ingilis dillərində xülasələri öz əksini tapıb.

Ekspres-informasiyada, həmçinin institutun 2014-cü ildəki elmi fəaliyyətinin bibliometrik analizinin nəticələri də göstərilib. Kitabçada institut əməkdaşlarının 2014-cü ildə nəşr olunan elmi əsərlərinin dillər və növlər üzrə statistikası verilib. Bundan əlavə, əməkdaşların ötən ildə “WoS”, “Scopus” və DBLP kimi nüfuzlu elmi bazalarda olan əsərlərinin sayı haqqında məlumat təqdim olunub. “Scopus” və “Google Scholar” elmi bazalarındakı nüfuzlu jurnal və konfranslarda dərc olunan məqalələrin sayı, H5-indeks və H5-median göstəriciləri verilib. 2014-cü ildə institut əməkdaşlarının əsərlərinə olan istinadların ölkələr üzrə statistikası, əməkdaşlar tərəfindən nəşr olunan əsərlərin istiqamətləri öz əksini tapıb.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.