Müasir dövrdə minlərlə insan sosial şəbəkədə məsələn, səhər qəbul etdiyi qidanın fotoşəkillərini paylaşır. “Google” şirkəti isə bundan istifadə etmək qərarına gəlib. Belə ki, şirkətin mütəxəssisləri “Im2Calories” layihəsi üzərində işləyirlər ki, bu proqram qidanın əks olunduğu fotoşəkillərdəki kalorinin hesablanması üçün nəzərdə tutulub.   

Mütəxəssislərin sözlərinə görə, proqram insanlara düzgün qidalanmağı öyrədəcək. Bəzən elə olur ki, kalorinin hesablanmasına çox vaxt sərf olunur. Kalorinin avtomatik müəyyən olunması isə insanların həyatını asanlaşdıracaq amillərdən biridir. Fotoşəkillərin skan edilməsi gizli rejimdə aparılacaq.

meddaily.ru saytının bildirdiyinə görə,  proqramın nə vaxt hazır olacağı hələ ki, məlum deyil.