“Samsung” şirkəti yük çantaları istehsal edən “Samsonite” şirkəti ilə əməkdaşlıq edərək ağıllı çamadanlar hazırlayır. Müasir çamadanlar açılması və uzaq məsafəyə aparılması haqqında xəbərdarlıq edən sistemlər və GPS izlənmə datçikləri ilə təchiz edilməklə yanaşı, sahiblərinin arxasınca müstəqil hərəkət edə biləcək.

Lakin bu çamadanlar üçün nəzərdə tutulmuş mühərriklərin böyüklüyü layihənin başa çatdırılmasına mane olur. Mütəxəssislər yeni sistemin təkmilləşdirilməsi istiqamətində işlər aparır.

tech.onliner.by saytının məlumatına görə, səyahət edənlər üçün faydalı olan bu çamadanlar öz analoqlarına nisbətən daha münasib qiymətə olacaq.

Xatırladaq ki, “Samsung” şirkəti uzun müddətdir ki, gündəlik həyatda istifadə olunan ağıllı qurğuların hazırlanması ilə məşğuldur.