“You.Gov” şirkəti tərəfindən “Times” qəzeti üçün keçirilən sorğunun nəticələrinə görə, “Microsoft” korporasiyasının təsisçisi Bill Qeytsdünyanın ən populyar insanlarından biridir. 

İkinci yeri ABŞ prezidenti Barak Obama, üçüncü yeri isə Roma Papası Fransiskini geridə qoyaraq Rusiya prezidenti Vladimir Putin tutub. 

Liderlər onluğuna Çin Xalq Respublikasının sədri Si Szinpin (6-cı yer), investor-milyarder Uorren Baffet (8-ci yer) də daxildir. Onluqda ümumilikdə dörd Hindistan nümayəndəsi yer alıb. 30 ən populyar insanın siyahısına isə bu ölkənin yeddi nümayəndəsi daxildir. 

Çində keçirilən sorğuda B.Qeytsin reytinqi Kommunist Partiyası Mərkəzi Komitəsinin sədri Si Szinpindən iki dəfə yüksək olub. 

itexpert.org.ua saytının məlumatına görə, britaniyalılar arasında dünyanın ən populyar şəxsi Stiven Hokiq seçilib. 

Sorğuda dünyanın 13 ölkəsindən (Avstraliya, Braziliya, Böyük Britaniya, Almaniya, Misir, Hindistan, İndoneziya, Çin, Nigeriya, Pakistan, Rusiya, ABŞ, Fransa) təxminən 14 min adam iştirak edib.