“CNN Money” maliyə nəşrinin versiyasına görə, “Apple” şirkətinin direktoru Tim Kuk baş direktorların reytinqində birinci olub.

lenta.ru saytında bildirilir ki, “Apple”ın səhmləri cari ildə 40 faiz artıb. 2014-cü ildə onun rəhbərliyi altında şirkət iki “iPhone”, iki “iPad” və “Apple Pay” ödəmə sistemi daxil olmaqla bir sıra yeni məhsullar istehsal edib. Gələn il şirkət “Apple Watch” smart saatını bazara çıxarmağı nəzərdə tutur.

Bundan əvvəl Britaniyanın “The Financial Times” qəzeti onu 2014-cü ilin ən nüfuzlu iş adamı adlandırıb.

“BlackBerry”nin direktoru Con Çen isə baş direktorların reytinqində ikinci pilləni tutub.

“Microsoft”un yeni direktoru Satya Nadella üçüncü pillədə qərarlaşıb. Şirkət tarixində üçüncü baş direktor Nadella “Microsoft”un iş məhsuldarlığını artırmaq üçün yeni texnologiya kursu seçib: o, bir ildə şirkətin səhmlərini 25 faiz artırmağa nail olub.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.