İnformasiya Texnologiyaları İnstitutunun şöbə müdiri, texnika üzrə fəlsəfə doktoru, dosent Firudin Ağayev “International Journal Education and Management Engineering” (IJEME) jurnalının Redaksiya və Rəyçilər Şurasının üzvü (https://www.mecs-press.org/ijeme/board.html) seçilib.

Qeyd edək ki, IJEME “Modern Education and Computer Science Press” (MECS Press) tərəfindən nəşr olunur. Təhsil və idarəetmə mühəndisliyi nəzəriyyəsi və təcrübəsini bir araya gətirən, yenilikçi ideyaları dəstəkləyən IJEME müvafiq sahələrdə orijinal və yüksək keyfiyyətli məqalələr dərc edir.

Jurnal “Google Scholar”, “Microsoft Academic Search”, “Baidu Wenku”, “Open Access Articles”, “Scirus”, “CNKI”, “CrossRef”, “JournalTOCs” və s. kimi nüfuzlu beynəlxalq bazalarda indeksləşir.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.