Son zamanlar daşınan elektronika istehsalçıları smartfonları tamamlayan və ya qismən əvəz etməyə qabil olan “ağıllı” saat və qolbaqların müxtəlif variantlarını təqdim ediblər. Lakin “Cicret” şirkətinin hazırladığı qolbaq istifadəçilərə smartfonu əldə daha az gəzdirməyə imkan verir. 

Qurğunun ideyası ondan ibarətdir ki, qolbaq mini-proyektorun və bir neçə sensorun köməyilə smartfonun ekranını istifadəçinin qolunun dərisində əks etdirə və naqilsiz rabitənin köməyilə bütün lazımi komandaları ötürə bilir. Qolbaq həmçinin USB portu və akselerometrlə təchiz olunub.

Şirkət təsisçilərindən birinin dediyinə görə, “Cicret” qolbağı hələ ki, işlənmə mərhələsindədir. Onun işlək prototipi isə bir neçə həftədən sonra nümayiş olunacaq. Qurğunun artıq gələn ildən bazara çıxarılacağı gözlənilir.  

 “Cicret”in təxmini qiyməti 470 dollar olacaq. Qolbaq 10 rəngdə təqdim ediləcək. 

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.