İnformasiya Texnologiyaları İnstitutunun baş elmi işçisi texnika üzrə fəlsəfə doktoru, dosent Fərqanə Abdullayeva “Elsevier” nəşriyyatının “Computers in Human Behavior” jurnalının redaksiya heyəti tərəfindən rəyçi sertifikatına layiq görülüb.

“Computers in Human Behavior” elmi jurnalı kompüterlərin psixologiya, psixiatriya və yaxın istiqamətlərdə tətbiqi məsələlərindən, o cümlədən kompüterlərdən istifadənin fərdlərə, qruplara və cəmiyyətə vurduğu psixoloji təsirdən bəhs edir. Jurnalda elmi-nəzəri işlər, tədqiqat xarakterli hesabatlar, icmal məqalələri nəşr olunur.

Jurnal “Scopus” və  “Web of Science” üzrə Q1 kvartilinə daxildir. Jurnalın elmmetrik göstəriciləri aşağıdakı kimidir:

Impact Factor: 9.9

CiteScore: 17.8

SJR: 2.464

SNIP: 3.223

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.