Avqust Ada Kinq kompüter texnikası tarixinə öz adını ilk qadın-proqramçı kimi yazdırmışdır. O, kompüterin bir çox tətbiqi məsələlərin həlli üçün çoxfunksiyalı alət rolunu oynaya biləcəyini qabaqcadan proqnozlaşdırmışdı

Ada Avqust Bayron-Kinq dünyada ilk proqramçı kimi tanınır. O, 1815-ci il dekabrın 10-da London (Böyük Britaniya) şəhərində anadan olub. Tanınmış ingilis şairi Lord Bayronun qızı Ada Kinq hələ 13 yaşında ikən dəqiq elmlərə maraq göstərməyə başlamışdı. 

www.calend.ru saytının məlumatına görə, 1842-ci ildə ixtiraçı Çarlz Bebbicin hazırladığı layihə əsasında o, hesablama maşınının təsvirini verməklə ilk proqramı yaratmış və bununla tarixə düşmüşdür. Məhz Ada Bayron proqram təminatı tarixində ilk dəfə proqramlaşdırmanın əsas anlayışlarını təqdim etmişdir. Bundan başqa hesablama texnikasından praktiki istifadənin mümkün istiqamətlərini – musiqi əsərlərinin yazılması, mürəkkəb qrafiki obyektlərin qurulması və hətta kompüter oyunlarını proqnozlaşdırmışdır. 

1976-cı ildə ABŞ-ın Müdafiə Nazirliyi Amerika Silahlı Qüvvələrinin vahid proqramlaşdırma dilinin adını rəsmi olaraq təsdiq etmişdir. Planetin ilk qadın-proqramçısının şərəfinə proqramlaşdırma dili "ADA" adlandırılmışdır. 

Ada Bayron 1852-ci il noyabrın 27-də Londonda dünyasını dəyişmişdir. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.