AMEA İnformasiya Texnologiyaları İnstitutu tərəfindən “Gənclər üçün Prezident Mükafatı”na namizədliyi irəli sürülən institutun Gənc alim və mütəxəssislər şurasının üzvü Nigar İsmayılova texnika üzrə fəlsəfə doktoru diplomunu almışdır.

Qeyd edək ki, N.İsmayılova “Qeyri-səlis çoxluqlar üçün bir sinif hamar mənsubiyyət funksiyalarının tədqiqi və tanıma sistemlərində tətbiqi” mövzusunda dissertasiya işini müdafiə etmişdir.

O, hazırda institutun E-kitabxana Mərkəzinin nəzdində Bibliometriya sektoruna rəhbərlik edir. Həmçinin bibliometriyanın təkamülü, müasir problemləri, həll perspektivləri, Azərbaycanda və dünyada müxtəlif istiqamətlərdə aparılan elmi-tədqiqatların bibliometrik analizi, elmin bibliometrik xəritələrinin tərtib olunması, qeyri-səlis çoxluqlar nəzəriyyəsinin tətbiqi ilə bibliometrik üsulların intellektuallığının artırılması, sosial şəbəkələrdə fəaliyyətin qiymətləndirilməsi istiqamətlərində araşdırmalar aparır.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.