“Google” illər boyu kosmosdan Yer kürəsinin ən heyrətamiz mənzərələrinin şəkillərini paylaşıb. Bu gün o, ən böyük yeniləməsini “Google Earth View” kolleksiyasında 1000 yeni şəkil ilə təqdim edib.

“Google Earth View” kolleksiyası hazırda dünyanın 2500-dən çox mənzərəsinə malikdir. Bu təsvirlər daha parlaq rənglər və dəqiq görüntülərə sahib yüksək icazə ilə 4K ekranlar üçün optimallaşdırılıb.

Görüntülər “Android”də divar kağızları kimi, “Chromecast” və “Google Home” üçün ekran qoruyucusu kimi istifadə edilə bilər. “Google Earth Voyager”ə interaktiv sərgi kimi baxmaq və masaüstü istifadə üçün saxlamaq mümkündür.

CNN telekanalının məlumatına görə, şəkillərə baxmaq üçün “Google” brauzerinə quraşdıra bilən “Chrome” genişlənilməsi mövcuddur.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.