“Mitsubishi Electric” şirkəti pəncərələrə bənzəyən tavan işıqlarını təqdim edib. Süni pəncərələr ofis işçiləri üçün depressiv pozğunluqların inkişaf riskini azaltmalı olan mavi səmanın illüziyasını yaradır.

Yeni işıqlar “Misola” adlanır və yandırıldıqda mavi səma görünən pəncərələrə bənzəyirlər. Çalar günün vaxtından və ya parametrlərdən asılı olaraq dəyişir. Buna görə yeni “Mitsubishi” ilə yaradılan illüziya çox etibarlı görünür. “Misola” lampalarının ofisdə əsas işıq mənbəyi ola biləcəyi və əlavə işıqlandırma funksiyalarını yerinə yetirməsi ehtimal edilir.

planet-today.ru saytının məlumatına əsasən, yenilik korporativ sektora, həm də qocalar evləri və tibb müəssisələrinə yönəldilib. “Misola” qurğularının ev istifadəsi üçün nəzərdə tutulmaması onların olduqca baha olmasına işarə edir - bir süni pəncərənin qiyməti altı min yarım dollardan çox olacaq.

Tavan lampasındakı süni səma günün çox hissəsini ofisdə keçirən və həqiqi səmanı düşünmək sevincindən məhrum olan yaponlara kömək edəcək. Tədqiqatlar göstərir ki, təbiətlə ünsiyyətin olmaması depressiv və digər psixi pozğunluqların inkişafında ən vacib amillərdən biridir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.