Milli Tədqiqat Tomsk Dövlət Universitetinin İnnovativ Texnologiya fakültəsinin alimləri boru kəmərlərinin avtomatik diaqnozu və təmiri üçün unikal cihaz hazırlayıblar. Bu robot qüsurların yerini müəyyən edərək üfüqi və şaquli borular üzrə hərəkət etmək imkanına malikdir.

Robot müxtəlif tənzimləyicilərin (ultrasəs, infraqırmızı və başqaları) köməyi ilə qüsurları - çat, dəliklər və digərlərini təyin edir. Bundan əlavə, o, kompleks neyro-qeyri-səlis alqoritmlərə əsaslanır və tez bir zamanda yeni təcrübə toplayaraq vəziyyətə uyğunlaşdıran neyron kimi işləyir.

“Neft və qaz sektorunda istifadə olunan ənənəvi diaqnostika vasitələri qaz və ya karbohidrogen ehtiyatları ilə birlikdə boru içərisində hərəkət edir. Belə bir cihazın işə salınması həmişə müəyyən çətinliklər yaradır. Robot texnika kompleksindəki (RK) fərq borunun səthi boyunca hərəkət etməsidir”, - deyə yeniliyin müəlliflərindən biri professor Vladimir Sıryamkin bildirib.

Süni intellekt onlayn rejimdə boruların nasaz hissələrinin xəritəsini verir və təmir işlərinə ehtiyacı müəyyənləşdirir. Bundan əlavə, robot müayinə zamanı dərhal kiçik qüsurları bağlamaq imkanına malikdir. RK kiçik həcmlə təchiz edilib, borudan hazırlanan eyni material - polietilen ilə doldurulur. Maye şəklində olan material spreydən ötürülür, bundan sonra havada sərtləşir.

Vladimir Sıryamkinin sözlərinə görə, ənənəvi qurğular boru ölçüsü ilə məhdudlaşırsa, yeni robot texnika kompleksi üçün diametr fərqi əhəmiyyətli deyil: “Robot neft və qaz sektorundakı boru kəmərlərindən əlavə, mənzil-kommunal sektorunda, gəmilərdə və s. boruların diaqnozu üçün istifadə edilə bilər”.

“Poisk” qəzetinin məlumatına əsasən, artıq yeni RK üçün patent verilib. Cihaz həm operatorun nəzarəti altında, həm də müstəqil olaraq işləmək imkanına malikdir. Gələcəkdə tərtibatçılar neft və qaz sənayesi işçilərinə üç robot təklif etmək niyyətindədirlər. Cihazlar alınan məlumatları mübadilə edə biləcək və bir-birlərinin funksiyalarını tamamlayacaqlar.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.