25-26 yanvar tarixlərində Minskdə ikinci qış “ROBOLAB IT” - turniri  keçiriləcək. Bu turnir robototexnika və proqramçı rütbəsi üçün mübarizə aparacaq 500-dən çox uşağı bir araya gətirəcək.

Turnirdə dörd yaşdan on beş yaşa qədər uşaqlar iştirak edə bilərlər. Proqrama əsas və yaradıcılıq kateqoriyaları üzrə “LEGO Education WeDo” robototexnika yarışması da daxildir. Burada turnir iştirakçılarının yaratdıqları güclü və çevik robotlar yarışacaqlar.

Robototexnika turniri çərçivəsində “LEGO Education EV3” yarışları da təşkil ediləcək. Bu yarışlarda isə zehni hesablamalar üçün təşkil edilən şoular olacaq.

belta.by saytının məlumatına görə, “ROBOLAB”ın beynəlxalq maarifləndirici layihəsi ziyarətçilər üçün çoxsaylı əyləncə proqramları hazırlayıb. Eyni zamanda tamaşaçılar üçün robototexnika üzrə ustad dərslərinin keçirilməsi də planlaşdırılır. Arzu edənlər aerodinamikanın əsaslarını öyrənə və kvadrokopter idarəetməsi üzrə master-klassda pilotluq edə, virtual əyləncə dünyasına daxil ola, eləcə də əl işlərinin hazırlanması üzrə tematik master-klass keçirə bilərlər.

Mütəxəssislər iki gün davam edəcək turnirə 2 mindən çox insanın gələcəyini gözləyirlər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.