Tayvan şirkəti “XYZ Printing” “da Vinci Color 5D” masaüstü 3D printerini təqdim edib. İstehsalçılar bu printeri “3D + 2D” olaraq təyin edirlər.

Qabaqcıl lazer oyma və 3D rəngli çap xüsusiyyətləri olan yeni cihaz “da Vinci Color Mini” və “da Vinci Color AiO” (All-in-One) 3D printerlərinin inkişaf etdirilmiş versiyasıdır.

“da Vinci Color 5D” həm üçölçülü plastik əşyaları böyüdür və rəngləyir, həm də adi “yastı” fotoşəkilləri də çap edir. Cihazın başlıca xüsusiyyəti dəriyə, kartona və plastikə lazer qravürasiyasının tətbiqi rejiminə ekstruder dəyişmək imkanıdır.

techcult.ru saytının məlumatına görə, qurğu 230 x 180 x 180 mm ölçülü obyektləri 100 mm-dən 400 mikrona qədər qatlarda 180 mm/san sürətlə çap edə bilər. Cihaz 1.75 mm diametrli filamentlərlə işləyir.

Mütəxəssislər “da Vinci Color 5D” printerinin bu ilin birinci rübündə 3999 dollara kütləvi satışa çıxarılacağını qeyd edirlər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.