“Walmart” sifariş toplayan və satıcılarla qarşılıqlı əlaqədə olan robotları təqdim edib.“Alphabot” adlı bu robotlar hələ ki, gündə 170-ə qədər sifariş çatdıra bilirlər.

Şirkət artıq ABŞ-dakı bir neçə mağazada malların seçilməsi və daşınması üçün avtonom robotları sınaqdan keçirir. Bu robotlar sınaq müddəti bitdikdən sonra mühəndislərə öz tövsiyələrini verəcək işçi heyətlə əlaqə yaradırlar.

“Alphabot” soyudulmuş və dondurulmuş məhsullar üçün arabalardan istifadə edərək təkbaşına sifarişləri toplamaq qabiliyyətinə malikdir. Robot lazım olan məhsulu tapır, qablaşdırır və yoxladıqdan sonra ünvana çatdırır.

hightech.fm saytının məlumatına görə, bu robotlar hələlik təzə və ya tez xarab olan qidaların çatdırılma sifarişini qəbul edə bilmirlər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.