Hər ilin sonunda "Popular Science" jurnalının müəllifləri ən yaxşı texnologiyanı seçirlər. Bu il bu nüfuzlu mükafata qlobal istiləşmənin qarşısını alaraq planeti təmizləmək qabiliyyətinə malik süni ağaclar layiq görülüb.

Süni ağac “Silicon Kingdom Holdings” şirkətinin dəstəyi ilə Arizona Dövlət Universitetinin professoru Klaus Layner və onun iş yoldaşları tərəfindən hazırlanıb. Bu, dünyada ilk passiv birbaşa hava çəkmə texnologiyasıdır.

4pda.ru saytının məlumatına görə, 2020-ci ildə bu ağacların mərhələli "əkilməsi" planlaşdırılır. Plana 2-3 kvadrat kilometr ərazini tutan, ildə 4 milyon ton karbon qazı toplaya biləcək 120 min ağacın quraşdırılması daxildir. “MechanicalTree” adlı 1200 ağacdan ibarət meşə havanı karbon qazından təmizləmək imkanına malikdir.

Karbon qazının toplanması üçün təklif olunan texnologiya əlavə enerji təchizatı tələb etmir və qiyməti olduqca münasibdir.

İstehsalçılar  yaxın 10-15 ildə süni ağaclar sayəsində atmosferdəki karbon qazının miqdarını azaltmaqla yanaşı, qlobal istiləşmə problemini də həll edəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.