“SkywatcherVR” studiyası virtual reallıq üçün “Instrument Studio VR” adlı proqram hazırlayıb. O, virtual reallıqda musiqinin yazılması üçün ilk və hələ ki yeganə sistemdir. Daha dəqiq desək, bu, adi səsyazma studiyasının virtual mühitə daşınmış surətidir.

techcult.ru saytının məlumatına görə, proqramın müəllifi 3 il əvvəl virtual reallıq üçün ilk zərb alətini layihələşdirən Pol Kalendir. O, bu istiqamətdə daha da irəliləyərək, bir sıra musiqi alətlərini və müşayiət avadanlıqlarını ardıcıllıqla virtual reallığa daşımağa nail olub. Bu işdə Kalenə Şimali İrlandiyanın “Relish” qrupunun peşəkar musiqiçiləri Ken və Karl Papenfuslar kömək ediblər.

“Instrument Studio VR” proqramı artıq yüksək qiymətləndirilib və hətta yanvar ayında “CES 2020” beynəlxalq sərgisi çərçivəsində keçiriləcək “DreamlandXR” festivalının mükafatına namizəddir.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.