Amerikalı mühəndis robot elektrik süpürgəsini üçvintli pilotsuz təmizləyiciyə çevirib. Yeni robot tozsoran yolundakı maneələri aşaraq mərtəbələr arasında hərəkət edə bilib.

Mühəndis və videoblogger Peter Sripol mərtəbələrin sayından asılı olmayaraq, başqa bir zəminə çıxa bilən robot tozsoranın prototipini hazırlayıb. O, kütləvi istehsal edilən modellərdən birini əsas götürərək ona üç tunel ventilyatoru, həmçinin uçuşu idarə etmək məqsədilə mikrokontrollerlər və akkumulyator bərkidib.

nplus1.ru saytının məlumatına görə, cihaz mərtəbələri çıxa bilir, eləcə də burada rahatlıqla təmizlik işlərini həyata keçirə bilir. Pilotsuz aparat avtonom deyil və yalnız operatorun nəzarəti altında uçur.

Xatırladaq ki, robot tozsoranlar bir neçə ildir ki, kütləvi şəkildə istehsal olunur. Onlar evin ətrafında gəzir və təmizlənmiş yerləri yaddaşında saxlayaraq ev təmizliyini asanlaşdırırlar.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.