Uzun müddətdir, “ağıllı” kilidlər istehsal edən və üztanıma texnologiyası ilə təchiz olunmuş “Xiaomi” qonaqları qeydə alan “Smart Cat Eye Doorbell” adlı “ağıllı” qapı zəngini təqdim edib.

“Xiaomi Smart Cat Eye Doorbell” iki qurğudan ibarətdir: mənzildən kənarda quraşdırılmış kamera ilə birbaşa zəngetmə sistemi və qonaqların görüntüsünü əks etdirən 5 düymlük IPS ekran.

Kamera 161° geniş baxış bucağına malikdir və gecəgörmə rejimini dəstəkləyir. Cihaz ev sahibinin olmadığı müddətdə gələn qonaqları tanımaq üçün gecə-gündüz izləmə funksiyasını yerinə yetirir. Həmçinin, “ağıllı” qapı zənginin kamerası şəxslərin üzlərini tanıya və insan fiqurunu aşkar edə bilir.

4pda.ru saytının məlumatına görə, cihazın tam ekranı və ağıllı dinamikləri vasitəsilə ziyarətçilərə cavab vermək də mümkündür. Hətta hər hansı təhlükəli məqamdan uşaqları qorumaq üçün səsdəyişdirmə funksiyası da mövcuddur.

“Xiaomi Smart Cat Eye Doorbell” 2020-ci ilin yanvar ayından kütləvi satışa çıxarılacaq.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.