3-6 dekabr 2019-cu il tarixində Bakı Ekspo Mərkəzində “Bakutel 2019” - yubiley telekommunikasiya, innovasiya və yüksək texnologiyalar sərgi - konfransı keçiriləcək.

Sərginin fəaliyyət sahələri Big Data və biznes analitikasını, İT xidmətlərini, Əşyaların İnterneti və M2M-i, bulud texnologiyalarını, robot texnikasını, telekommunikasiya və peyk rabitə sistemlərini, TV və RKİ vasitələrini, smart cihazlar və aksessuarları, rəqəmsal biznes həllərini, bank texnologiyalarını, biznes proseslərin idarə edilməsini, audio-video sistemlərini və s. əhatə edir.

Sərgidə müasir robot modelləri və mütərəqqi texnologiyalar nümayiş olunacaq. Las-Veqasdan “Pepper humanoid” robotu, robot balıqlar, dünyaca məşhur robot rəssam, müxtəlif sumo, güləş və dron yarışları, kosmo zonası, 6 metrlik uçan astronavt və robot pianoçu, eləcə də 20-dən çox interaktiv zona və robotları görmək istəyənlər, https://robopark.ticketsetup.com/az linkinə daxil olaraq  qeydiyyatdan keçə və pulsuz bilet əldə edə bilərlər.

Biletlər yalnız 5 və 6 dekabr tarixlərində “Robopark” üçün keçərlidir.

Expo mərkəzinə daxil olmaq üçün biletin çap versiyasını təqdim etmək vacibdir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.