“UPS Flight Forward” çatdırılma xidmətinin törəmə şirkəti pilotsuz təyyarənin köməyilə resept üzrə dərmanları birbaşa müştərinin evinə çatdırıb. Çatdırılma “CVS” apteki ilə əməkdaşlıq çərçivəsində, həmçinin pilotsuz uçan aparatlar üzrə ixtisaslaşmış “Matternet” logistik şirkəti ilə birgə həyata keçirilib.

hightech.fm saytının məlumatında bildirilir ki, uçuş avtonom şəkildə, lakin operatorun müşahidəsi altında həyata keçirilib. Şirkət nümayəndələri ümid edirlər ki, gələcəkdə belə pilotsuz uçan aparatlar fiziki imkanları məhdud müştərilərin dərman vasitələrini əldə etmələrini asanlaşdıracaq.

Pilotsuz təyyarələrin köməyilə çatdırılma prosesinin zəif inkişafı əsasən şirkətlərə operatorun birbaşa görmə xəttindən kənarda və ya Federal Aviasiya İdarəsinin lazımi icazəsi olmadan gecə vaxtı uçmağa imkan verməyən tənzimləmə məsələləri ilə bağlıdır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.