Dünyanın ən böyük hərbi sənaye korporasiyalarından olan “Raytheon” şirkəti 2021-ci ildə istifadəyə veriləcək yeni nəsil “GPS” peyk rabitəsi sisteminin hazırlanmasını başa çatdırıb.
 
360tv.ru saytının məlumatına görə, ABŞ Müdafiə Nazirliyinin beş podratçısı arasında yer alan “Raytheon” şirkəti aparıcı raket silahları və radiotexnika sistemləri istehsalçısıdır. Yeni “GPS” rabitə sisteminin sifarişçisi qismində ABŞ Hərbi Hava Qüvvələri çıxış edir. Onun hazırlanması üzərində işlərə 2016-cı ildə başlanılıb.

“GPS OCX” (Block 0) adlı kibertəhlükəsizliyi işəsalma və yoxlama sistemi 2018-2019-cu illərdə ilk modernləşdirilmiş “GPS III” peykinin kosmosa buraxılması üçün istifadə edilib.

Hazırkı “GPS” sistemi iki əsas seqmentdən ibarətdir: kosmik və yerüstü nəzarət. Kosmik seqmentə hazırda orbitdə olan bir neçə peyk daxildir, idarəetmə seqmenti isə izləmə və peyklərə görə cavabdeh yerüstü stansiyalardan ibarətdir.

“GPS OCX” sistemi işi yüksək dəqiqliklə təmin edəcək və ucqar ərazilərdə peyklərin əhatə dairəsini genişləndirəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.