“Google” şirkəti Niderlandda yeni datamərkəzin tikintisinə təxminən 600 milyon dollar məbləğində investisiya qoymaq niyyətindədir. Layihə 4 il üçün nəzərdə tutulub. Datamərkəz şirkətin Avropadakı əməliyyatlarını əlaqələndirməlidir.

Qeyd edək ki, datamərkəz liman şəhəri olan İmşavenin yaxınlığında yerləşəcək. Məhz İmşavendə Avropa və Amerikanı birləşdirən transatlantik rabitə kanalı start götürür. Hazırda “Google”un sözügedən şəhər yaxınlığında bir datamərkəzi, həmçinin Belçika, Finlandiya və İrlandiyada datamərkəzləri vardır.

cybersecurity.ru saytının məlumatına görə, 2016-cı ildə start veriləcək yeni datamərkəzin tikintisinə 1000 nəfər cəlb ediləcək.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.