ABŞ-ın “Human Inc.” şirkəti “Human Headphones” adlı qeyri-adi qulaqlıqlarını satışa çıxarır. Başa bərkidilməyən, sadəcə qulaqlara taxılan qurğu smartfonun müxtəlif funksiyalarını yerinə yetirən yeni platformadır.

Qulaqlıq istifadəçisinin qulağında çəkisinin az olması (46 qram) və xüsusi sıxma lövhə sayəsində dayanır. İstehsalçılar istənilən formalı qulaqlara uyğun konstruksiyanın hazırlanmasına çox vaxt sərf etdiklərini bildiriblər. Qurğu yığcam korpusa malik olsa da, smartfona qoşulmadan səsin rəqəmsal emalını həyata keçirə bilmək üçün kifayət qədər gücə malikdir.

techcult.ru saytının məlumatına əsasən, 11 dil üçün lüğətlə inteqrasiya edilmiş tərcüməçiyə malik olan qulaqlıqlar şəxsi və qrup ünsiyyəti üçün, hərəkətdə olarkən işləyir. Hər bir qulaqlığın xarici tərəfində sensor vardır. Qulaqlıqlar öz aralarında “Bluetooth”la əlaqə saxlayır.

Qurğu 30 metrədək məsafədə işləyən simsiz rabitə moduluna malikdir. Qulaqlıqları qarnitur kimi smartfona qoşmaq olar. İlk alıcılar üçün qurğunun qiyməti 259 dollardır. Lakin daha sonra onun dəyəri 399 dollar təşkil edəcək.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.