Məlumdur ki, 9-12 sentyabr 2019-cu il tarixlərində Beynəlxalq Telekommunikasiya İttifaqı tərəfindən “ITU Telecom World” beynəlxalq sərgi-konfransı keçirilir.

Tədbirdə Azərbaycanı Nəqliyyat, Rabitə və Yüksək Texnologiyalar Nazirliyinin nümayəndə heyəti təmsil edir. Nümayəndə heyətinin tərkibində nazirliyin qurumları, özəl İKT şirkətləri və startaplar təmsil olunurlar.

Müxtəlif dövlətləri təmsil edən şirkətlərin qatıldığı sərgidə Azərbaycan Milli Pavilyonla iştirak edir. Pavilyonda ölkəmizdə İKT sahəsində əldə edilən nailiyyətlər, innovativ xidmətlər, tətbiqlər və həllər nümayiş olunur.

Qeyd edək ki, Azərbaycan 2009-cu ildən etibarən davamlı olaraq “ITU Telecom World” sərgilərində Milli Pavilyon ilə təmsil olunur.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.