Miniatür qurğu ultrasəs kimi kənar müdaxilələrin hesabına hərəkətə gəlir. Gələcəkdə bu tipli robotlar orqanizmin vəziyyətini izləyərək dərmanları lazımi yerlərə dəqiq çatdıracaqlar.

hightech.plus saytının məlumatına əsasən, bəşəriyyət çoxdan bəri insanın bədəninə daxil olaraq xəstəliklərin səbəbini aradan qaldıran miniatür robotlar hazırlamağı arzulayır. Yeni texnologiyalar bu ideyanı reallaşdırmağa imkan verir. Bu səbəbdən tibbi nanorobotlar üçün müvafiq enerji mənbəyi seçmək kimi bir sıra maneələri dəf etmək lazımdır.

Corciya Texnologiya Universitetinin alimlərdən ibarət komandası bu problemin həllinə nail olublar. Onların hazırladığı kiçikölçülü robotlar vibrasiya sayəsində hərəkət edirlər.

Qeyd edək ki, müəlliflər hələ ki yalnız bir istiqamətdə hərəkət edən prototip model təqdim ediblər.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.