Sentyabrın 12-də iPhone 6 və iPhone 6 Plus-un ilk sifarişlərinə start verildiyi gün Apple-in rəsmi onlayn-mağazası iPhone-un yeni modellərini əldə etmək istəyən alıcıların axınına "dözmədi".

gazeta.ru saytının məlumatına görə, ilk sifarişləri ABŞ, Kanada, Böyük Britaniya, Fransa, Almaniya, Avstraliya, Honkonq, Sinqapur və Yaponiyada qəbul etməyə başlayıblar. Bir neçə saatdan sonra isə onlayn-mağaza əlçatmaz olub.

Qeyd edək ki, sentyabrın 9-da Kaliforniyada iPhone-un müxtəlif dioqanallı ekranlara malik (4,7 və 5,5 düym)  2 versiyası və şirkət tarixində ilk dəfə olaraq Apple Watch saatları nümayiş etdirilmişdi.

Apple Watch saatlarının satışına 2015-ci ilin əvvəllərindən start veriləcək. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.