Məşhur tibbi startapın təsisçisi mühakimə olunacaq İyul 04, 2019 | 02:17 / Maraqlı məlumatlar

“Theranos” startapının təsisçisi Elizabet Holms və onun keçmiş birinci müavini Rameş “Sanni” Balvani dələduzluq və investorların aldadılması ittihamı ilə əlaqədar məhkəmə kürsüsünə çıxmalıdırlar. Məhkəmə prosesi 2020-ci ilin avqust ayında başlanacaq.

Aparılan araşdırmalar nəticəsində məlum olub ki, Holms və Balvani tibbi startap üçün investisiyanın cəlb edilməsi məqsədilə fırıldaqçı sxemlərdən istifadə ediblər. Onlar qan analizinin dəqiqliyini dəfələrlə yüksəltməyə və tədqiqatların sürətini artırmağa imkan verən inqilabi texnologiyaları yaratmağa söz veriblər. Bununla yanaşı, az miqdarda bioloji material tələb olunurdu. Lakin bütün bəyanatların yalan olduğu aşkarlandı.

meddaily.ru saytının məlumatına görə, dələduzluq faktı ilə bağlı ittihamlar hələ ötən il irəli sürülmüşdü. O zaman müttəhimlər təqsirkar olmadıqlarını bildirmişdilər. İş yalnız Holmsun cəlb etdiyi böyük investisiyalara (700 milyon dollardan çox vəsait) görə rezonans doğurmur. Populyarlığın zirvəsində şirkətin dəyəri 10 milyard dollarla qiymətləndirilirdi.

Məsələ ondadır ki, şirkətin təsisçisi, Stendford Universitetinin məzunu Elizabet Holms “Theranos” layihəsinə 19 yaşında start verib. 2015-ci ildə “Forbes” jurnalı Holmsu öz sərvətini müstəqil şəkildə qazanmış ən gənc qadın milyarder kimi tanıyıb.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı