Spekulyativ bitkoindən fərqli olaraq, yeni valyuta real aktivlərlə təmin ediləcək. “Facebook”un bəyanatına əsasən, Libra-nı İnternetdə və offlayn olaraq ödəniş üçün istifadə etmək mümkün olacaq.

“Facebook”un “Libra” şirkətinin kriptovalyutası blokçeynə əsaslanan şəbəkə ilə birlikdə növbəti il ərzində istifadəyə veriləcək. Bu haqda şirkətin rəhbəri Mark Zukerberq məlumat verib.

hi-tech.mail.ru saytının məlumatına əsasən, “Facebook”un məqsədi sabitliyinə görə dollara güzəştə getməyən, mal və xidmətlərin alınması üçün istifadə oluna bilən və bank borcları daxil olmaqla maliyyə məhsullarının hər bir spektrini dəstəkləyən qlobal desentralizasiya olunmuş ödəniş üsulu yaratmaqdır.

“Facebook” Libra-nı hazırlamaqla yanaşı, ilin sonuna kimi bu layihəni müstəqil istifadəyə verməyi planlaşdırır. Sonra isə, şirkət onu daha böyük cəmiyyətin idarəetməsinə təqdim etmək niyyətindədir. Şirkət Libra-ya və onun inkişafına nəzarət üçün 27 tərəfdaşı ilə birgə “Libra Association” qeyri-kommersiya təşkilatını formalaşdırıb.

Bu təşkilatlar, həmçinin “Libra Reserve” xüsusi fonduna öz töhfəsini verəcəklər. Kriptovalyuta yaradıcıları ümid edirlər ki, Libra istifadəyə verildikdən sonra yüzlərlə şirkət assosiasiyaya daxil olacaq.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.