Sinqapur redaksiyası “Esquire” jurnalının süni intellektin köməyi ilə hazırlanan nömrəsini dərc edib. Alqoritmlər redaktor yazısı və beş jurnalist mətnini hazırlayıblar.

“AI Squire” təxəllüsünü alan “müəllif” hər mətni hazırlamaq üçün bir neçə dəqiqə sərf edib.

ferra.ru saytının məlumatına əsasən, “Esquire” üçün botu “AI QLX” şirkəti hazırlayıb. Süni intellekt informasiyanı yazmaqdan əlavə, jurnalist mətnləri üçün mövzuları fikirləşmək imkanına da malikdir.

Qeyd edək ki, alqoritm süni intellekt, dəb və texnologiyaların tarixinə həsr edilən mövzular barədə materiallar yazıb. 

Jurnalın baş redaktoru bildirib ki, “jurnalistləri robotlarla əvəz etmək olarmı?” sualını cavablandırmaq bu sınağın əsas məqsədidir.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.