Tokioda real vaxt rejimində havanın proqnozlaşdırılması sisteminin sınaqlarına başlanılıb. Meteoroloji radiolokator və yerüstü rəqəmsal radio dalğalarının məlumatlarına əsaslanan texnologiya leysan yağışları və ya qasırğanın başlanması barədə 30 dəqiqə öncədən xəbər verəcək.

hightech.fm saytında bildirilir ki, sistem su buxarından yaranan və proqnozlaşdırılması kifayət qədər çətin olan leysan yağışlarının başlanması haqqında öncədən məlumat verəcək. Məsələn, mövcud meteoroloji sistemlər bu işin öhdəsindən gələ bilmir.

Yaponiyanın Milli İnformasiya-Kommunikasiya Texnologiyaları İnstitutu dövlət və özəl şirkətlərlə birgə sözügedən sistemin hazırlanması ilə məşğuldur. Yeni sistemin 2020-ci ildə istifadəyə verilməsi planlaşdırılır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.