“Indiegogo” kraudfandinq (layihənin reallaşdırılması məqsədilə geniş kütlələrdən maliyyə cəlb olunması mexanizmi) platformasında uşaqlar üçün ilk “ağıllı” boşqab təqdim edilib. Qurğunun dibində yerləşdirilimiş ekranda “Wi-Fi” və “Bluetooth”un köməyilə ötürülən video əks olunur.

İstehsalçıların sözlərinə görə, uşaqların əksəriyyəti yeməklərini yeyib bitirmədən ətrafda fırlanırlar və qida qəbulu uzunmüddətli fəaliyyətə çevrilir. Lakin boşqabın dibində cizgi filmi yayımlanarsa, uşaq sevimli personajını görmək üçün yeməyini daha tez bitirmək istəyəcək.

dni24.com saytının məlumatında bildirilir ki, “iOS” və “Android” əməliyyat sistemlərinin idarəetməsi altında işləyən smartfonlar üçün hazırlanmış “Eatense” proqramı vasitəsilə boşqabın dizaynını anında dəyişmək mümkündür. Qadcetin suya davamlı olması onu adi boşqablar kimi yumağa imkan verir.

1 dəfə enerji ilə doldurulduqda 4 saat işləyən “ağıllı” boşqabın qiyməti 159 dollar təşkil edir. Startap alıcıların marağına səbəb olarsa, növbəti ilin yay aylarında kütləvi istehsala başlanılacaq.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.