Yaponiyanın “Preferred Networks” şirkəti təmizləmə prosesini tamamilə avtomatlaşdıran robotları idarə edən sistem hazırlayıb. Sistem səsin tanınması texnologiyası, həmçinin qurğuya əşyaları təhlil etməyə, onları yerinə qoymağa kömək edən kompüter görmə texnologiyalarından ibarətdir.

nanonewsnet.ru saytının məlumatına görə, robotun aparat hissəsi “Preferred Networks” mütəxəssisləri tərəfindən hazırlanmayıb, “Toyota” şirkətinin istehsalı olan və fiziki imkanları məhdud insanlara kömək üçün tətbiq edilən “Human Support Robot”dan istifadə edilib, istehsalçılar proqram təminatı üzərində işləyiblər. Kompüter görmə sisteminin əsasını təxminən 2 milyon şəkil üzərində öyrədilən, dəqiq işləyən neyron şəbəkə təşkil edir. Bunun sayəsində sistem əşyaları tanıyır, bundan sonra robot onları müəyyənləşdirə, konkret əşyanı necə qaldırmağı və onu haraya aparmağı təyin edə bilir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.