Çinin “90Fun” şirkəti sahibini avtomatik izləyən “Puppy 1” çamadanını təqdim edib. O, iki təkər və avtomatik tarazlaşdırma üçün sensor dəsti ilə təchiz olunub. Qurğu sahibini tanıyır, onu vağzal və ya hava limanında izləyə və dayanaraq gözləyə bilir.

belta.by saytının məlumatına görə, robotu məsafədən idarə etmək mümkündür. Devaysın hazırlanmasında “Seagway” şirkəti də iştirak edib. O, Las-Veqasda keçiriləcək “CES 2018” sərgisində təqdim ediləcək. Cari ildə satışa çıxarılacaq robotun qiyməti hələ ki, açıqlanmır.

Qeyd olunub ki, robot-çamadanın gələcək sahibləri inteqrasiya edilmiş akkumulyatora görə qurğunun yük bölməsinə girişi ilə bağlı problem yaşaya bilərlər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.