“Google” korporasiyasının mütəxəssisləri canlı insan səsindən fərqlənməyən səslə danışa bilən nitq generatoru yaratdıqlarından bəhs edən məqaləni dərc etdiriblər. “Tacotron 2” adlı sistem mətni nitqə yüksək keyfiyyətlə çevirə bilir.

hi-news.ru saytının məlumatında bildirilir ki, proqram dərin təlimin iki qarşılıqlı əlaqəli neyroşəbəkəsindən ibarətdir. Birinci neyroşəbəkə mətn əsasında spektroqram yaradaraq “WaveNet” adlı ikinci alqoritmə ötürür. “WaveNet” onu səsləndirir. “Tacotron 2” çətin tələffüz olunan sözlərin öhdəsindən asanlıqla gəlir və vərəqdən oxuyaraq, durğu işarələrini nəzərə alır. Bunun sayəsində o, məsələn, cümlənin sonunu və yeni cümlənin başlanğıcını intonasiya ilə ayırır.

Proqramın işinin nümunələri artıq sistemə həsr edilmiş səhifədə yerləşdirilib. O, müasir səsləndirmə proqramlarının monoton mexaniki səslərindən daha yaxşı səslənir. Buna görə də yeni sitemin tezliklə öz tətbiqini tapacağı gözlənilir. “Tacotron 2” hələ ki, yalnız məlahətli qadın səsi ilə danışır. Sistemin öyrənmə qabiliyyətini nəzərə alaraq, onun başqa səsləri də təqlid edə biləcəyini ehtimal etmək olar.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.