“Apple” korporasiyası Kaliforniyada keçirilmiş təqdimat çərçivəsində yeni “Apple Watch” qurğusunu təqdim edib.

“Apple Watch Series 3” cihazı “LTE” dəstəkli daxili mobil modula malikdir. Beləliklə, saat vasitəsilə zəng etmək və musiqi yükləmək olar.

lenta.ru saytının məlumatına görə, cihazın displeyi, həmçinin antena rolunu oynayır. “Apple Watch” qurğusunun korpusu əvvəlki nəsillə müqayisədə dəyişməyib. Saat yeni “Apple W2” prosessoru ilə təchiz edilib. Bunun sayəsində əvvəlki nəsildən 70 faiz daha məhsuldardır. Həmçinin korpusdakı “Digital Crown” düyməsi qırmızı rəngdə təqdim olunub.

Qurğu 22 sentyabr tarixində satışa çıxarılacaq. “LTE” versiyanın qiyməti 400 dollardan, mobil modulsuz versiyanın qiyməti isə 330 dollardan başlayacaq.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.