Cənubi Koreyanın “Ryonhap” informasiya agentliyi İngiltərə premyer liqası matçlarının nəticələri haqqında xəbər buraxılışı üçün avtomatlaşdırılmış sistemini təqdim edib.

news.rambler.ru saytının məlumatına görə, “Soccerbot” adlı proqram görüşlər başa çatdıqdan sonra 1-2 saniyə ərzində turnir oyunları haqqında təxminən 380 avtomatik xəbər istehsal edə bilir.

Qeyd edilir ki, sistem İngiltərənin futbol üzrə çempionatının əvvəlki mövsümü zamanı müvəffəqiyyətlə sınaqdan keçirilib. Hazırda agentlik Cənubi Koreyada keçiriləcək 2018-ci il Olimpiya oyunlarının işıqlandırılması üçün proqram hazırlamağı planlaşdırır.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.