Amerikanın “Apple” korporasiyası tezliklə öz pərəstişkarlarına əlavə reallıq sahəsində sıçrayış edəcək məhsullarını təqdim etməyi planlaşdırır. İnnovativ ideyaların “iPhone”un növbəti modellərində reallaşdırılması istisna deyil.

dni24.com saytının məlumatında bildirilir ki, yeni əlavə reallıq alətləri yalnız kompüter oyunlarında deyil, təhsil, sənaye və səhiyyə sahələrində də tətbiq edilə bilər.

Qeyd edək ki, ilk dəfə “Apple” öz əməliyyat sistemi iOS-un hazırlanmasında əlavə reallıqdan istifadə edib. Daha öncə şirkətin qadcet istehsalının hüdudlarına çıxmaq niyyəti barədə açıqlama verilmişdi. Əlavə reallıq texnologiyaları “Apple” korporasiyasını yeni inkişaf səviyyəsinə yüksəldəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.