Böyük Britaniyanın Şeffild Universitetinin mütəxəssisləri xüsusi olaraq yaşlı insanlara yardım üçün “MiRo” adlı bionik robot hazırlayıblar. Müxtəlif sensorlarla təchiz edilmiş robot toxunuşları hiss edir. “MiRo”nun gözlərinə quraşdırılmış stereokameralar insanları tanıyır və onların hərəkətlərini izləyir. Burnunda yerləşdirilmiş səs naviqatoru sayəsində robot öz yerini müəyyən edir.

techcult.ru saytının məlumatına görə, inteqrasiya edilmiş süni intellekt robota giriş qapısındakı ziyarətçiləri tanımaq və gündəlik problemləri sahiblərinə xatırlatmaq imkanı verir.

O, həmçinin zəng edə və təhlükə zamanı həyəcan siqnalı verə bilər. “MiRo” xüsusi proqramın köməyilə insanı səs və xarici əlamətlərinə görə tanıyacaq. Qurğunun qiyməti 2800 ABŞ dolları təşkil edir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.