Nurugo SmartUV smartfonu üçün nəzərdə tutulmuş taxma qurğu günəş şüalarının təsiri zamanı, həmçinin gündən qoruyucu krem çəkdikdən sonra insanın dəri örtüyünün vəziyyətini əyani nümayiş etdirəcək.

24gadget.ru saytının məlumatına görə, kamera-tənzimləyici smartfona port vasitəsilə bərkidilir, iOS və Android əsasında işləyən firma proqramı isə  dünyanın ultrabənövşəyi spektrdə necə göründüyünü əks etdirir.

Kremlə qorunan dəri sahələri UF-kamera ilə qara görünəcək, qorunmamış sahələr isə ağ qalacaq. İstifadə edilmiş kremin keyfiyyətini qiymətləndirməkdən başqa, qurğu qocalma müddətində dəridə əmələ gələn gizli qüsurları və melanomanın inkişafını da aşkar edəcək. Kickstarter-də bu məhsulu əldə etmək üçün 105$ təklif edilir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.