"YouTube" 10 yaşdan aşağı uşaqlar üçün videoservis hazırlamaq niyyətindədir. gazeta.ru saytının məlumatına görə, YouTube-un uşaqlar üçün nəzərdə tutulmuş versiyasında açıq-saçıq çarxlar və şərhlər olmayacaq. 

Layihənin əsas məqsədi valideynlərin etibar edə biləcəkləri elə sayt yaratmaqdır ki, burada xüsusi proqramlar vasitəsilə azyaşlılar üçün nəzərdə tutulmuş videolar nümayiş olunsun. 

Yeni xidmətin nə zaman və necə işə salınacağı isə hələlik məlum deyil. 

Qeyd edək ki, Youtube-da məktəblər üçün yalnız təhsil məzmunlu videoların yer aldığı videoservis də mövcuddur.