NASA Agentliyinin ən maraqlı görüntülərinə baxmaq mümkün olacaq

NASA Agentliyi Giphy saytında şəxsi səhifəsini yaradıb. Artıq agentliyin əməkdaşları kosmosla bağlı ən maraqlı GIF-şəkilləri həmin kanalda yerləşdirə biləcəklər. Bu barədə məlumat təşkilatın Twitter sosial şəbəkəsindəki rəsmi hesabında yer alıb. Bildirilir ki, NASA-nın arxivi kosmosa dair böyük miqdarda videoyazıyla doludur, indi onları Giphy-də görmək mümkün olacaq.

Kosmik təşkilatın əməkdaşları belə qərara gəliblər ki, ən maraqlı video və qısa animasiyaları konversiya edərək onları ümumdünya hörümçək torunun istifadəçiləriylə bölüşsünlər.

planet-today.ru saytının məlumatına görə, Giphy-də səhifənin materiallarla doldurulması üzərində işə artıq başlanılıb. Artıq NASA əməkdaşları səhifədə 462 GIF-şəkil dərc ediblər. Burada müxtəlif planetlərin səthinə yaxınlaşmaları, marsda gəzən robotların hərəkətlərini, qravitasiya ilə aparılan təcrübələri, kosmik aparatların enişini, o cümlədən bir çox başqa maraqlı kadrları görmək mümkündür.

NASA əmindir ki, Giphy-də yaradılmış səhifə sosial şəbəkə istifadəçilərinə daha əvvvəl görmədikləri maraqlı və təkraredilməz anları nümayiş etdirəcək.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.