"Huawei" şirkətinin əməkdaşları şirkətin əsas şəhərciyi olan Şençjendə nahar fasiləsi zamanı onlar üçün ayrılmış çarpayılarda uzanıb istirahət edə bilərlər. Qalan zamanı isə onlar iş stolunun arxasında keçirirlər. Şirkətin vitse-prezidentinin sözlərinə görə, bu korpusda iş vaxtı saat 8-in yarısından axşam 6-ya kimidir.
"Computerworld" jurnalının məlumatına istinadən, sahəsi 2 kv km-dən ibarət olan zavodun təxminən 40 min işçisi var. Əməkdaşlar nahar vaxtının 5 dəqiqəsini yemək yeməyə, qalan hissəsini isə yatmağa sərf edirlər. Bəziləri isə bu müddət ərzində stolüstü tennis oynamağa və ya parkda gəzməyə üstünlük verirlər.
Vitse-prezident, həmçinin əlavə edib ki, qeyri-iş saatlarında əməkdaşları narahat etmək qəbuledilməzdir.